വയറു നിറച്ചു കഴിക്കല്‍ നല്ലതല്ല

വയറു നിറയുന്നത് വരെ ഭക്ഷണം കഴിക്കുന്നത് നബി (സ്വ) വിലക്കിയിട്ടുണ്ട്. കാരണം, അത് ആരോഗ്യത്തിന് പല പ്രശ്‌നങ്ങളും ഉണ്ടാക്കുന്നു. 

ഒരിക്കൽ അബൂ ജുഹൈഫ എന്ന സ്വഹാബി ഇറച്ചിയും സരീദും (കറി ചേർത്ത റൊട്ടി) കഴിച്ച് വയറു നിറഞ്ഞു. അങ്ങനെ തിരുനബി (സ്വ)യുടെ മുമ്പിൽ ചെന്ന് ഏമ്പക്കം വിട്ടു. അന്നേരം നബി (സ്വ) അദ്ദേഹത്തോട് പറഞ്ഞു:'ഏമ്പക്കം വിടാതെ അബൂ ജുഹൈഫ! ദുനിയാവിൽ കൂടുതൽ വയറു നിറക്കുന്ന ജനങ്ങളാണ് അന്ത്യനാളിൽ കൂടുതൽ വിശക്കുന്നവർ'. ഈ ഉപദേശം കേട്ട ശേഷം അബൂ ജുഹൈഫ (റ) അമിതമായി ആഹരിക്കുകയില്ലെന്ന് തീരുമാനമെടുത്തു. അങ്ങനെ, അദ്ദേഹം പ്രാതൽ കഴിച്ചാൽ പിന്നെ രാത്രി ഭക്ഷണം കഴിക്കുകയില്ലായിരുന്നു, രാത്രി ആഹാരം കഴിച്ചാൽ പ്രാതൽ കഴിക്കുമായിരുന്നു. (ത്വബറാനി)